पर्रोहा बहुमुखी क्याम्पसद्वारा खेल सप्ताह समुद्घाटन ।

 पर्रोहा बहुमुखी क्याम्पसद्वारा खेल सप्ताह समुद्घाटन ।
सैनामैना , पौष १४ गते
सैनामैना नगरपालिका वडा नं ४ अवस्थित पर्रोहा बहुमुखी क्याम्पसले खेल सप्ताह संचालन गरेको छ । क्याम्पस व्यवस्थापन समितिका अध्यक्ष खुसीराम चौधरी तथा क्याम्पस प्रमुख हेम चन्द्र शर्मा द्वयले TT game को ब्याट हानेर उद्घाटन गर्नु भएको थियो । सो कार्यक्रममा प्रमुख अतिथि चौधरीले खेलवाट नै विद्यार्थीले मानसिक र बौद्धिक क्षमताको विकास गर्ने बताउनु भयो साथै खेलले समुदायमा मेलमिलाप र बन्धुत्वको विकास हुने बताउनु भयो । सो कार्यक्रम अतिरिक्त क्रियाकलाप संयोजक मोहन शर्माको अध्यक्षतामा भएको कार्यक्रममा खेल सप्ताहको महत्व र वार्षिक क्याम्पसका गतिविधि क्याम्पस प्रमुख हेमचन्द्र शर्माले प्रकाश पार्नु भएको थियो । RMC विभाग प्रमुख हेमन्त शर्मा , PIC संयोजक लोकनाथ अधिकारी, प्रध्यापक फर्साराम आर्चाय तथा SQC संयोजक सितल थापाले विभिन्न खेलहरुको संयोजन गर्नु भएको छ ।

क्याम्पसको वार्षिक योजना अनुसार संचालन गरिएको खेल सप्ताह पौष १४ गते देखि १८ गते सम्म संचालन हुनेछ ।





 यस अर्न्तगत आज पहिलो दिनका खेलहरुमा बुद्धिचाल (चेस ) टेबुल टेनिस (टि टि ) तथा कुर्ची दौड संचालन भएकोमा  टेबुल टेनिस ( टि टी) खेलमा विविएस प्रथम वर्षका छात्रा गौरव कार्की प्रथम, द्वितीय विविएस प्रथम वर्षका महेश घिमिरे भएका छन् भने म्यूजिकल रेस (कुर्ची दौडमा ) प्रथम  विविएस चौथो वर्षकी छात्रा डिला शर्मा, त्यसैगरी वि.वि.एस. चौथो वर्षकी छात्रा जमुना चौधरी साथै तृतीय  वि .वि .एस वर्षकी छात्रा हिरा शाही हुनुभएको । त्यसैगरि बुद्धिचाल तर्फ प्रथम  चौथो वर्ष सन्दीप पाण्डे, प्रथम वर्षका विवेष केसी द्वितीय भएका छन् ।

त्यसैगरी भोलि २०८१ पौष १६ गते नियमित खेलहरुमा वेलुन क्रास , स्पुन एण्ड मार्वल रेस, ब्याटमिन्टन, साथै डोरी तान्ने खेल रहेको छ भने १७ गते का दिन नव आगन्तुक विद्यार्थीहरूको स्वागत समारोह रहेको छ भने १८ गतेका दिन भलिबल प्रतियोगिता, कर्वदी Kabaddi साथै भलिवल प्रतियोगिताको फाइनल रहेको आतिरिक्त क्रियाकलाप संयोजक मोहन शर्माले सैनामैना न्यूजलाई जानकारी दिनुभयो ।

नेपाल रेडक्रस सोसाइटी सैनामैना उपशाखाले " रेडक्रस अभियान, रक्तदान जीवन दान " विषयक कविता प्रतियोगिता उपशाखा स्तरमा सम्पन्न गरेको छ ।

 सैनामैना, २०८१ पौष ९ गते

नेपाल रेडक्रस सोसाइटी सैनामैना उपशाखाले " रेडक्रस अभियान, रक्तदान जीवन दान " विषयक कविता प्रतियोगिता उपशाखा स्तरमा सम्पन्न गरेको छ ।

नेपाल रेडक्रस सोसाइटी लुम्बिनी प्रदेशका सभापति कृष्ण पंगेनीको प्रमुख आतिथ्यता रहेको कविता प्रतियोगितामा प्रमुख अतिथि पंगेनीले रेडक्रस गतिविधिमा सैनामैना क्षेत्रमा उर्वर रहेको हरेक परिस्थिति यस क्षेत्रमा रेडक्रस उदारणिय कार्य गर्दै आएको छ । मानवताको पक्षमा रेडक्रस अभियान र रक्तदानको महत्व र आवश्यकता बारेमा प्रकाश पार्नु भएको थियो ।

 ग्यालेक्सी ई.बो स्कुलका प्रिन्सिपल श्रवण कुमार गौतमको विशिष्ट आतिथ्यता रहेको कार्यक्रममा रेडक्रस सोसाइटी सैनामैना उपशाखाका पूर्व  सभापति लोकनाथ अधिकारी, निवर्तमान सभापति दिपेश्वर पौडेल लगायतले कार्यक्रम सफलताको शुभकामना व्यक्त गर्नुभएको थियो । 

सैनामैना  तथा शुद्धोधनका विभिन्न विद्यालयका १४ जना प्रतियोगि सहभागि रहेको कार्यक्रममा प्रथम स्थान न्यु एकेडेमी इङ्गलिस वोर्डिङ स्कुलबाट सहभागी सुदिक्षा थापा क्षेत्री, द्वितिय स्थान  सैनामैना पर्रोहा परमेश्वर मा .वि. की छात्रा दर्शना ज्ञवाली,तृतिय स्थानमा दुर्गा भवानी माध्यमिक विद्यालयबाट सह‌भागी प्रकृति न्यौपाने त्यसैगरी सान्त्वना  प्रभात आवाशिय मा.बि की प्रकृती भण्डारी भएका छन् । 

सो प्रतियोगितको निर्णायक मण्डलमा  निर्णायक संयोजक मायादेवी गाउँ पालिका का स्वास्थ्य ,शिक्षा अधिकारी स्वास्थ्यकर्मी तथा संचारकर्मी भोजराज पोखरेल, सदस्यहरुमा जन कल्याण मा .वि . का नेपाली शिक्षक दुर्गा प्रसाद भूषाल, सिद्धार्थ मेमोरियल स्कुलका नेपाली शिक्षक  काशीनाथ गौतम रहनु भएको थियो । 

यस प्रतियोगितमा छनौट दुई जना विद्यार्थी जिल्ला स्तरीय प्रतियोगितामा प्रतियोगी हुन पाउने,रेडक्रस सोसाइटी सैनामैना उपशाखाका कोषाध्यक्ष विक्रम पौडेलले जानकारी दिनुभयो ।

उक्त कार्यक्रम उपशाखाकी सभापति मिना भण्डारीको सभापतित्वमा उपशाखा उपसभापति दिव्या पंगेनीको स्वागत तथा उपशाखा कार्यसमिति सदस्य गोविन्द आर्चायको सञ्चालनमा कार्यक्रम सम्पन्न भएको थियो । सो कार्यक्रमको आतिथ्यता ग्यालेक्सी युरेर र जुरेसले गरेको थियो ।

नेपाल रेडक्रस सोसाइटी सैनामैना उपशाखाद्वारा बृहत रक्तदान कार्यक्रम सम्पन्न ।

 सैनामैना, २०८१ मार्ग २५

- विक्रम पौडेल

नेपाल रेडक्रस साेसाइटी सैनामैना उपशाखा ( पर्राेहा) द्वारा आयाेजित एवं ४ नं वडा सैनामैना नगरपालिकाकाे आर्थिक सहयाेग र समन्वयमा बृहत रक्तदान कार्यक्रम सम्पन्न गरिएको छ । उक्त कार्यक्रमबाट १०० युनिट रक्ततत्व संकलन गरिएकाे छ ।सैनामैना ४ नगर अस्पताल परिसरमा सञ्चालित कार्यक्रम उपशाखाकी सभापति मिना भण्डारीको अध्यक्षता , सैनामैना नगरपालिकाका नगर प्रमुख फणेन्द्रप्रसाद शर्माको प्रमुख आतिथ्यता , पुर्व नगर प्रमुख चित्र बहादुर कार्की, सैनामैना वडा नं ४ का अध्यक्ष रामप्रसाद अधिकारी एवं नेपाल रेडक्रस साेसाईटि लुम्बिनी प्रदेश सभापति कृष्ण पंगेनीकाे विशिष्ट आतिथ्यता, सैनामैना व्यापार संघ कार्यवाहक अध्यक्ष देवीदत्त सुवेदी , नेपाल रेडक्रस साेसाइटीका पुर्व सभापतिहरु गाेविन्द प्रसाद लम्साल ,लाेकनाथ अधिकारी , निवर्तमा सभापति दिनेश पाैडेलकाे आतिथ्यता , वडा नं ४ का जनप्रतिनिधि तथा वडा सदस्यहरु, टाेल विकास सँस्थाका अध्यक्षहरु, विभिन्न विधालयका शिक्षक नायकहरु,आमा समुहका अध्यक्षहरु , विभिन्न रेडियाे र टेलिभिजनका पत्राकारहरु , पुर्व कार्यसमिति , आजिवन सदस्य र रक्तदाताहरुकाे उपस्थितिमा सम्पन्न । कार्यक्रमकाे संयाेजन उपशाखाका कार्यसमिति सदस्य गाेविन्दप्रसाद आचार्य , स्वागत उपशाखाकी उपसभापति दिव्या पंगेनी ज्युले गर्नुभएकाे थियाे भने कार्यक्रम काे सञ्चालन उपशाखाका काेषाध्यक्ष विक्रम पाैडेलले गर्नुभएकाे थियाे ।

उक्त रक्तदान कार्यक्रममा बाेल्दै प्रमुख अतिथि फणेन्द्रप्रसाद शर्माले रेडक्रसले यस नगरपालिकामा रक्तदानमा ठुलाे भुमिका खेलेकाे साथै ३ महिनामा खेर जाने रगत दान गर्नु जीवनदान भएकाे बताउँदै सैनामैना रेडक्रसले उत्कृष्ट कार्य गर्दै आएकाे र रक्तदान र जनचेतनामूलक काममा अगाडि रहेकाे जनाउँदै धन्यवाद र शुभकामना व्यक्त गर्नुभएकाे थियाे ।

कार्यक्रममा बाेल्दै वडा अध्यक्ष तथा विशिष्ट अतिथि रामप्रसाद अधिकारीले संस्थाले रक्तदानमा खेलेकाे भुमिका अतुलनिय रहेकाे साथै वडा नं ४ ले भाैतिक विकास मात्रै नभई मानविय विकासमा ध्यान दिने उदेश्यले रेडक्रससँगै रक्तदानमा भुमिका खेलेकाे भन्दै प्रत्येक वर्ष यस वडाले रक्तदान कार्यक्रम सञ्चालन गर्ने पनि जनाउनुभयाे ।

कार्यक्रममा उपशाखाकी सभापति मिना भण्डारीले बाेल्दै समन्वय र आर्थिक सहयाेग गर्नुहुने वडा नं ४ परिवार , वडा अध्यक्ष र सम्पुर्ण जनप्रतिनिधिहरुलाई विशेष धन्यवाद दिनुभएकाे थियाे ।साथै उहाँले रक्तदानमा समन्वयकारी भुमिका खेल्ने ईनरह्विल संस्था सैनामैना एवं रक्तदातालाई सुचना पुर्याउन र सरसफाइमा समेत सहयाेग गर्ने राष्ट्रिय युवा क्लब सैनामैना ४ , सम्पुर्ण उपस्थित अतिथि र रक्तदाताहरुलाई धन्यवाद दिँदै रक्तदान प्रत्येक ३/३ महिनामा यश उपशाखाद्दारा सञ्चाल गरिने जानकारी समेत गराउनुभयाे ।