सियारी साकोसले दुई दिने सहकारी नीति तथा वार्षिक योजना र बजेट निर्माण तालिम सम्पन्न गरेकाे छ ।

 सियारी, जेष्ठ १७, २०८२

सियारी वचत तथा ऋण सहकारी संस्था लिमिटेड, सियारी -६ले आफ्नो वार्षिक कार्यक्रमअन्तर्गत संचालक समिति, आन्तरिक लेखा सुपरिवेक्षण समिति तथा विभिन्न उपसमितिका पदाधिकारी तथा सदस्यहरुलाई दुई दिने सहकारी नीति तथा वार्षिक योजना तथा बजेट निर्माण तालिम आज सम्पन्न गरेको छ ।

संस्थाका अध्यक्ष विक्रम भुज गुप्ताको अध्यक्षता जिल्ला सहकारी संघका महासचिव दामोदर पंगेनीको प्रमुख

आतिथ्यतामा भएको कार्यक्रम हिजो र आज गरि सम्पन्न भएको छ । सो प्रशिक्षणमा सहकारी अभियन्ता दामोदर पंगेनी तथा लोकनाथ अधिकारीले सहजिकरण गर्नुभएको थियो । तालिममा समिति उपसमिति गरी २५ जनाको सहभागीता रहेको थियो । सो कार्यक्रमको संचालन सचिव  राजेन्द्र चौधरीले गर्नु भएको थियो भने स्वागत  व्यवस्थापक रिता चौधरीले गर्नु भएको थियो ।

सुनखानी कृषि सहकारी संस्था लिमिटेडमा आधारभूत सहकारी शिक्षा तालिम सम्पन्न ।

 सैनामैना, २०८२ जेष्ठ ,१४गते

सैनामैना -३ अवस्थित श्री सुनखानी कृषि सहकारी संस्था लि . द्वारा आफ्नो वार्षिक कार्यक्रम अन्तर्गत आफ्ना शेयर सदस्यहरुलाई सैनामैना -६ अवस्थित कालमोचन मन्दिर सभाहलमा आधारभूत सहकारी शिक्षा तालिम सम्पन्न गरेको छ ।

उक्त कार्यक्रममा प्रमुख अतिथि समाजसेवी तथा बरिष्ठ सहकारी कर्मी सप्तऋषि साकोसका अध्यक्ष प्रेम बहादुर बानियाँले गरिवी अन्त्य र समृद्धिको यात्रा सहकारी अभियानबाटै संभव रहेको बताउनु भयो । 

त्यसर्थ सहकारी अभियनता र सहकारी कर्मीले सहकारी मूल्य मान्यता र सिद्धान्त आत्मासाथ गर्नुपर्ने बताउनु भयो ।सो कार्यक्रममा समाजसेवी तथा सुनखानी कृषि सहकारी संस्थाका सल्लाहकार मित्र बहादुर एसी, चौतारी साकोसका अध्यक्ष  सावित्रा न्यौपाने, सप्त ऋषि साकोसका व्यवस्थापक कोषराज बस्नेत लगायतले शुभकामना मन्तव्य राख्नु भएको थियो ।

सो कार्यक्रमा सहकारी विज्ञ तथा प्रशिक्षक लोकनाथ अधिकारीले सहजिकरण गर्नुभएको थियो । भने कार्यक्रमको  अध्यक्षता संस्थाका अध्यक्ष अशोक खड्का र स्वागत संस्थाका सचिव गंगाराज पौडेल र संचालन संस्थाका व्यवस्थापक राम बहादुर बानियाँले गर्नु भएको थियो ।

पर्रोहा बहुमुखी क्याम्पसमा न्यायिक कल्ब गठन ।

 सैनामैना , २०८२ जेष्ठ- ९ गते

लुम्बिनी प्रदेशमा छुट्टै पहिचान निर्माण गरेको पर्रोहा बहुमुखी क्याम्पसमा आज विद्यार्थीहरुको एक भेलाबाट न्यायिक कल्ब वि .वि.एस . तेस्रो वर्ष अध्ययनरत छात्रा सिता कण्डेलको अध्यक्षतामा ९ सदस्यीय कार्यसमिति गठन भएको छ।

 सो कल्वको उपाध्यक्ष अनिता कार्की, सचिव आशिष बानियाँ , कोषाध्यक्ष आविस्कार शर्मा साथै सदस्यहरुमा मोनिका नेपाल, कविता भट्टराई, दिपिका अधिकारी, सन्तोष पोख्रेल र स्मृति नेपाल रहेका रहनु भएको छ । 

सो कार्यक्रममा अधिवक्ता तथा कानुन प्रध्यापक फर्साराम आचार्यको विशेष उपस्थितिमा, शैक्षिक विभागिय प्रमुख तथा प्रध्यापक जगन्नाथ गौतम,  सूचना प्रवर्द्धन विभाग संयोजक तथा प्रध्यापक लोकनाथ अधिकारी, QAA फोकल पर्सन दिन प्रसाद घिमिरे लगायतको आतिथ्यतामा सम्पन्न

 कार्यक्रमको अध्यक्षता ECA प्रमुख मोहन शर्माले गर्नु भएको थियो भने संचालन प्रध्यापक दिन प्रसाद घिमिरेले गर्नु भएको थियो । 

पर्रोहा बहुमुखी क्याम्पसमा विदाई समारोह सम्पन्न ।

 सैनामैना, २०८२ बैशाख, २८ गते

लुम्बिनी प्रदेशकै उत्कृष्ठ शैक्षिक प्रतिष्ठानका रूपमा परिचित सैनामैना नगरपालिका वडा नं. ४ अवस्थित पर्रोहा बहुमुखी क्याम्पसमा अध्ययनरत वि.वि.एस . चौथो वर्षका विद्यार्थीहरुलाई अन्य वर्षका विद्यार्थीहरुले सैनामैना-२ मा रहेको ग्लोबल पार्टी प्यालेसको सभाहलमा  विदाई समारोह सम्पन्न गरेका छन् ।

क्याम्पस व्यवस्थापन समितिका अध्यक्ष खुसीराम चौधरीको प्रमुख आतिथ्यता रहेको  समारोहमा क्याम्पस प्रमुख हेम चन्द्र खराल, व्यवस्थापन विभाग प्रमुख जगन्नाथ गौतम, ECA प्रमुख मोहन शर्मा, QAA फोकल प्रसन दिन प्रसाद घिमिरे, जनसम्पर्क (PIC ) संयोजक लोकनाथ अधिकारी, अधिवक्ता तथा कानून प्रध्यापक फर्साराम आचार्य, लगाएतको आतिथ्यतामा भएको कार्यक्रममा विद्यार्थीहरुले आफ्नो मौलिक संस्कृति अनुसारका विभिन्न नृत्य तथा गायन कला प्रस्तुती गरेका थिए । 

सो कार्यक्रम व्यवस्थापन समिति अध्यक्ष खुसीराम चौधरी, क्याम्पस प्रमुख हेमचन्द्र खराल तथा प्रध्यापक जगन्नाथ गौतम र विविएस चौथो वर्षकी छात्रा चित्र कुमारी विक लगायतले विदाइ मनतव्य दिनुभएको थियो भने विविएस प्रथम वर्षकी  छात्रा मोनिका नेपालको अध्यक्षता तथा विविएस तृतीय वर्षकी छात्रा सिता कणेलको स्वागत साथै विविस द्वितीय वर्षकी छात्रा रेजीना कार्कीको संचालनमा सम्पन्न भएको थियो ।

सुनगाभा युवा / जुनियर सर्कलद्वारा सरसफाइ कार्यक्रम सम्पन्न !!

सैनामैना ,२०८२ बैशाख २५  

सैनामैना नगरपालिका वडा नं . ३ अवस्थित सुनगाभा पब्लिक स्कूल मा गठित   युवा / जुनियर रेडक्रस सर्कलले विश्व रेडक्रस दिवसको अवसरमा सरसफाइ कार्यक्रम आयोजना  गरेको छ। कार्यक्रम अन्तर्गत समुदायमा स्थानीय क्षेत्रको सरसफाइ गरी वातावरण सफा र स्वच्छ राख्न सबैलाई सन्देश दिइएको थियो।

कार्यक्रममा सर्कलका सदस्यहरूसँगै बिद्यालयका प्राचार्य तिलब के.सी ., शिक्षक नायक लक्ष्मणको समेत उत्साहजनक सहभागिता रहेको थियो। सरसफाइसँगै रेडक्रसका मानवतावादी सेवाहरूको महत्व बारे जनचेतना फैलाउने उद्देश्यले कार्यक्रम सञ्चालन गरिएको हो ।

हरेक वर्ष मे ८ तारिखमा मनाइने बिश्व रेडक्रस दिवसलाई विशेष बनाउँदै सुनगाभा युवा / जुनियर सर्कलले यस्तो सामाजिक योगदानमार्फत सकारात्मक सन्देश फैलाएको छ।